धरान/माउन्ट हर्मन स्काउट ट्रुपका ६ वटा पेट्रोलबीच शुक्रबार विना भाडा खाना र चिया बनाउने प्रतियोगिता भएको छ ।
प्रतियोगितामा पिजन पेट्रोल विजेता बनेको छ । वार्षिक कार्यक्रम अन्तर्गत दुईवटा प्रतियोगिता गराइएको स्काउटर हेमन्त भण्डारीले जानकारी दिए । ६ वटा पेट्रोलबीच भएको प्रतियोगितामा २५ मिनेटको समय दिइएको थियो । जसमा पिजन विजयी बनेको हो । विजयी टोलीलाई ट्रफी, मेडल र प्रमाण पत्र वितरण गरिएको छ ।
प्रतियोगितामा प्यारोट, डोभ, टाइगर, उल्फ, लायन पेट्रोल सहभागी बनेका थिए । विजेतालाई निर्णायकत्रय नेपाल स्काउट राष्ट्रिय परिषद् सदस्य निर्मला अधिकारी, नेपाल स्काउट जिल्ला कार्य समिति सदस्यद्वय शुशिल राई र वविता राईले पुरस्कार वितरण गरेका थिए । स्कुलका भाइस प्रिन्सिपल क्षितिज पाख्रिनको सभापतित्वमा कार्यक्रम सम्पन्न भएको थियो ।
