विजयपुर । नेकपा (एमाले) का केन्द्रीय सल्लाहकार वंशी मोक्तानले राजीनामा दिएका छन् ।
धरानका मोक्तानले बामपन्थी वैचारिक आन्दोलनविरुद्ध लाग्ने व्यक्ति तथा पार्टीलाई एमालेले समर्थन र गठबन्धन गरेको भन्दै कात्तिक १४ गते राजीनामा दिएका हुन् । उनको राजनीनामा पत्रमा आफू २०३१ सालदेखि बामपन्थी आन्दोलनमा रहेको उल्लेख गरेका छन् ।
मोक्तानले २०३१ सालदेखि नेकपा (एमाले) को झण्डामुनी रही आज पर्यन्त विभिन्न बामपन्थी आन्दोलनमा विभिन्न भूमिका र योगदान गरे पनि बामपन्थी वैचारिक आन्दोलनको विरुद्ध र जातीय आन्दोलनमा अग्रसर भई विभाजनको फाटो ल्याउने व्यक्ति तथा पार्टीलाई एमालेले समर्थन र गठबन्धन गरेकाले केन्द्रीय सल्लाहकार पदको जिम्मेवारीबाट राजीनामा दिएको जनाएका छन् ।
