सुनसरी क्षेत्र नं १ का प्रतिनिधि सभा सदस्य पदका उम्मेद्वार मनोज कुमार मेन्याङवोले आफू शोषक नभई जनताको सेवक बन्नको लागि उम्मेद्वार बनेको बताएका छन्
धरानको विभिन्न वडामा चुनावी घरदैलो पश्चात आयोजित कोण सभामा बाल्दै उनले सो कुरा बताएका हुन् ।
आफूले दश वर्ष जनताको सेवक भएर काम गरीसकेको अनुभव रहेको र आगामी दिनमा पनि सुनसरी क्षेत्र नं १ का जनताको पक्षमा नीति बनाउन र विकासको लागि पहल कदमी गर्ने बताएका छन् । आफ्नो निर्वाचन क्षेत्रको विकासका लागि अहारोत्र खटेर यस क्षेत्रलाई नमुना निर्वाचन क्षेत्र वनाएर देखाउने प्रतिवद्धता समेत जनाएकाछन् ।
उनले आफूले सस्तो लोकप्रियताको लागि यो गर्छु त्यो गर्छु भनेर झुठा आस्वासन नवाढने उनको भनाई थियो । प्रतिनिधि सभा भनेको नीति निर्माणसंगै विकास निर्माणको काम पनि गर्ने भएकोले त्यसका लागि आफूले प्रभावकारी भूमिका निर्वाह गर्ने उनले वताए ।
विभिन्न युवाहरुको समूहलाई सम्वोधन गर्दै आफू युवाको पक्षमा विगतदेखि नै काम गर्दै आएको र आफू निर्वाचित भएर गएको खण्डमा युवा लक्षित नीति र कार्यक्रम निर्माणमा पहल गर्ने प्रतिवद्धता जनाएका थिए । उनले जनता आफूलाई जिताउन आतुर रहेको दावी गर्दै आफ्नो जीत सुनिश्चित रहेको जिकिर गरेका थिए ।
