सङ्खुवासभा। सङ्खुवासभा जिल्लामा हालसम्म निर्वाचान आचार-संहिता उल्लङ्घनमा १७ जना कारबाहीमा परेका छन् ।
जसमध्ये मतदान अधिकृत ६ जना र साहयक कर्मचारीहरु ११ जना कारबाहीमा परेको जिल्ला निर्वाचन आचार-संहिता अनुगमन समिती संयोजक चिरन्जिवी अधिकारीले जानकारी दिए ।
उनका अनुसार कारबाही हुने मतदान अधिकृतहरु सबै शिक्षकहरु हुने भने सहायक कर्मचारीहरु १० जना शिक्षक र एक जना निजामति कर्मचारी हुन् ।
उनीहरुलाई निर्वाचन आचारसंहिता विपरित कार्य गरेकोले जिम्मेवारीबाट हटाइएको हो । उनीहरुको नाम गोप्य राखिएको छ । यो सँगै अन्य ३० भन्दा बढि उल्लङ्घनका उजुरीहरु परेको छ । जसमा स्पष्टिकरणलगायतका प्रकृयाहरु गरिरहेको संयोजक पौडेलले बताए ।
