अहिले नेपाली फिल्म वृत्तमा केहि बढि चर्चा छ भने त्यो हो, अर्को हप्ता रिलिज हुने फिल्म 'लुट २' को । ब्लकवस्टर फिल्म 'लुट ' को सिक्वेल रिलिजको संघारमा आउँदा चर्चा परिचर्चा बढ्नुलाई स्वभाविक मानिएको छ । स्टारकास्टले भरिभराउ सिक्वेल त्यो माथी पछिल्लो पुस्ताका संभावनावान निर्देशन निश्चल बस्नेतले बनाएको फिल्मको रिलिज अगाबै विजनेस के कति भन्ने अड्कलबाजी समेत फिल्मकर्मीमाझ चलिरहेको छ । यो बीचमा नेपाली फिल्म उद्योगको इतिहासमै सर्वाधिक कलेक्शन (१६ करोड बढी) गरेको फिल्म 'छक्का पञ्जा'को रेकर्ड समेत ब्रेक गर्ने दाबी निर्माता माधव वाग्लेले गरेका छन् ।बुधबार राजधानीमा आयोजित एक प्रेस भेटघाटमा वाग्लेले भने, 'पछिल्लो पुस्ताका दर्शक, योङ्स्टारले मात्रै फिल्म हेरिदिँदैमा मेरो फिल्मले रिलिजको २१ औं दिनमा नै छक्का पञ्जाको रेकर्ड तोड्छ ।' सिधा, प्रस्ट र आक्रोशित बोलीका कारण अमेरिकाका पछिल्ला राष्ट्रपति डोनाल्ड ट्रम्पको नेपाली उपमा (नेपाली डोनाल्ड ट्रम्प) पाएका वाग्लेले आफ्नो निर्माणमा बनेका आधा दर्जनबढि फिल्ममा अहिलेसम्मकै उत्कृष्ट फिल्म 'लुट २' बनेको समेत दाबी गरे ।
कलाकार र निर्माता बनिसकेका वाग्लेले भोलीका दिनमा आफु निर्देशनमा समेत हात हाल्ने भन्दै सबै कामको अनुभव लिईछाड्ने बताए । 'लुट २' नेपाली फिल्म उद्योगमा अहिलेाम्मकै उत्कृष्ट फिल्म बनेको वाग्लेको अर्को दाबी छ ।
