धरान । एनसेल आजियाटा लिमिटेडले नयाँ वर्ष २०७९ को अवसरमा आफ्ना ग्राहकलाई सुलभदरमा भ्वाइस र डेटा सेवासहितको ‘इन्डलेस कम्बो’ प्याकहरू सञ्चालनमा ल्याएको छ ।

वैशाख ५ बाट सञ्चालनमा आएको यो योजना अन्तर्गत एनसेलका प्रिपेड ग्राहकले २५ रुपैयाँमा बिहान ५ बजेदेखि साँझ ५ बजेसम्म प्रयोग गर्न सकिन डे कम्बो प्याक र बेलुका १० बजेदेखि भोलिपल्ट बिहान ७ बजेसम्म प्रयोग गर्न सकिने गरी दुई आकर्षक प्याकहरू ल्याएको हो ।

कम्पनीका अनुसार डे कम्बो प्याक अन्तर्गत प्रिपेड ग्राहकले १ सय एमबी डेटा र २ सय मिनेटको कुनै पनि नेटवर्कको नम्बरमा फोन गर्न सकिनेछ । त्यस्तै एनसेल एपबाट पनि यो प्याक सुचारु गर्न सकिने बताइएको छ ।

बेलुकाको समयमा २ सय ५० एमबी डेटा र २ सय ५० मिनेटको अल नेट टक टाइम भएको आकर्षक कम्बो प्याक २५ रुपैयाँमा सुचारु गर्न सकिने कम्पनीद्वारा जारी प्रेस विज्ञप्तिमा उल्लेख छ ।