धरान । नेपालकै सबैभन्दा ठूलो ब्राण्ड सिजी अन्तर्गत सिजी स्मार्ट डोमेस्टिक एप्लाइन्सेस (एम.डि.ए.) ले बिर्तामोडस्थित हिमाल सागर रिसोर्टमा आफ्नो रिटेलर मिट कार्यक्रम सम्पन्न गरेको छ ।
कार्यक्रममा सिजीले प्रदेश नं. १ का सम्पूर्ण रिटेलरहरूलाई निमन्त्रणा गरी कार्यक्रम भव्यताका साथ सम्पन्न गरेको हो । कार्यक्रममा बि.यु.एच. धर्मेन्द्र जोशी, सिजीका सेल्सहेड मनमोहन झालगायत रिटेलरहरूले दीप प्रज्वलन गरी कार्यक्रम सुरु गरेका थिए ।
सेल्स इन्चार्ज विनोद माझीले आकर्षक स्किमको पनि घोषणा गरे । कार्यक्रममा रिटेलरहरूलगायत पत्रकारहरूको पनि उपस्थिति थियो । विभिन्न किसिमका साना घरायसी सामग्रीहरूको प्रदर्शनी गर्नुका साथै आफ्ना सामानहरूको जानकारी एवम् आउँदै गरेका सामानहरूको बारेमा पनि पी.पी.एम.का दिनिका गुप्ताले बताए ।
आफ्ना सम्पूर्ण रिटेलरहरूलाई आउँदा दिनहरूमा अझै राम्रा–राम्रा सामानहरू र आकर्षक योजनाहरू पनि ल्याउने सेल्स हेड मनमोहन झाले वाचा गरे ।
