मोरङको पथरीशनिश्चरे नगरमा रहेको एन एम वि बैंकले एक दिने वित्तीय साक्षारता कार्यक्रम सञ्चालन गरेको छ ।
आज शुक्रबार वडा नं २ को रेडस्टार माविका प्राचार्य , शिक्षक र विद्यालयका कर्मचारीहरू समेतको सहभागीतामा उक्त कार्यक्रम संचालन भएको हो ।
एन एम वि बैंकको पथरी र लेटाङ्ग शाखाको संयुक्त आयोजनामा सम्पन्न उक्त अन्तर्कृयात्मक कार्यक्रममा सहभागीहरुले आइपीओ भर्न सहजता, डिम्याट खाता संचालन, क्रेडिट कार्ड सम्वन्धि जिज्ञासा , डिपोजिट एवं सेभिङमा पाईने व्याजदर लगायत उठाएका विभिन्न जिज्ञासाहरूमाथि एन एम वि बैंक पथरी शाखाका प्रवन्धक सुमीत तिमिल्सिना, लेटाङ्ग शाखा प्रबन्धक डिल्ली कुईंकेल, पथरीका कर्जा विभाग प्रमुख विजय दहाल समेतले सहजीकरण गरेका थिए ।
कार्यक्रममा कर्जा विभाग प्रमुख विजय दहालले कर्जा प्रवाह आदि काममा आउने सेवाग्राहीलाई सहजता प्रदान गर्ने जनाउँदै फिक्स डिपोजिट खातामा अधिकतम् १२ प्रतिशतसम्म ब्याजदर आफ्नो वैंकले दिन सक्षम रहेको बताए ।
रेडस्टार माध्यमिक विद्यालयका प्रिन्सिपल टी एन तिमिल्सिना, सहायक प्रिन्सिपल वसन्त मादेन , एन एम वि बैंकका अभिनव शाह समेत उपस्थिति रहेका उक्त अवसरमा दुई दर्जनभन्दा बढी शिक्षक( शिक्षिका तथा कर्मचारीको उपस्थिति रहेको थियो ।
