धरान/ एक्सेल विकास बैङ्कले स्कुल तथा कलेजका विद्यार्थीलाई लक्षित गर्दै वित्तीय साक्षरता कार्यक्रम सम्पन्न गरेको छ ।
ग्लोबल मनी सप्ताहअन्तर्गत बैङ्कले साताव्यापी वित्तीय साक्षरता कार्यक्रम गरेको हो । झापा, मोरङ र सुनसरीका विभिन्न स्कुल तथा कलेजका ४ सय ५९ जना विद्यार्थीहरूलाई वित्तीय साक्षरता प्रदान गरिएको बैङ्कका विजनेस प्रमुख शिवकुमार गिरीले जानकारी दिए ।
बैङ्कले चैत ८ गते झापा, मोरङ र सुनसरीका स्कुल कलेजका विद्यार्थीहरूलाई प्रशिक्षण दिएको हो । बैङ्कले बैङ्क खाताका प्रकारहरू, आम्दानी खर्च व्यवस्थापन, कर्जा व्यवस्थापन, कर्जाका प्रकारलगायतबारे जानकारी दिएको शाखाका इन्चार्ज कमल घिमिरेले जानकारी दिए ।
कार्यक्रममा बैङ्कका एक्टिभ सिइओ लेखराज कार्की, बिजनेश प्रमुख शिवकुमार गिरी र असिष्टेन्ट जनरल मेनेजर अशोक क्षेत्रीले प्रशिक्षण दिए ।
