अनलाईन सेक्युरिटीज प्रा.लि.ले संस्थागत सामाजिक उत्तरदयित्व अन्र्तगत देशभरका बिभिन्न स्थानमा सुरक्षित लगानीको उपाय बिषयक अन्तरक्रिया कार्यक्रम गर्दै आएका छन ।
सोही क्रममा गएको चैत्र १२ गते नुवाकोटमा लगानीकर्ता शिक्षा कार्यक्रम सम्पन्न गरेको छ भने आउदो १९ गते शनिबार बर्दिबास र २१ गते सुनसरीको धरानमा समेत उक्त कार्यक्रम हुने भएको हो । ।
अनलाइन सेक्युरिटीज प्रालि धरानका शाखा प्रबन्धक सुजन निरौलाका अनुसार कम्पनीले आफना व्यवसायिक सामाजिक उत्तदायित्व कार्यक्रम अन्तर्गत प्रस्तावित शाखाहरुको सक्रियतामा सुरक्षित लगानीका उपाय विषयमा अन्तरक्रिया कार्यक्रमको आयोजना गर्न लागेको जानकारी दिए ।
निरौलाले सेयर मार्कैटमा लगानीकर्ताहरुले कसरी आफना लगानी सुरक्षित गर्न सक्ने बिषय बस्तुहरुको बारेमा कार्यक्रममा बृहद रुपमा छलफल तथा अन्तरक्रिया गर्न लागिएको बताए ।
कार्यक्रममा सेयर बजार र लगानी कर्ताहरुको लगानी सुरक्षित कसरी गर्न सकिन्छ भन्ने बारेमा अध्यक्ष दिनेश शर्मा बिडारी,कम्पनीका प्रमुख कार्यकारी अधिकृत बिशाल अग्रबाल लगायतको सहभागीता संगै आफना अनुभवहरु सहभागीहरु माझ आदान प्रदान गर्नेछ ।
धरान ८ भोटेपुल होटल गजुर प्यालेसमा हुने कार्यक्रममा धरानका बिभिन्न सरकारी तथा गैरसरकारीका बिशोष ब्यत्तित्वहरुको सहभागीता रहनेछ भने यस किसिमको कार्यक्रमले लगानीकर्तालाई हल्लाको भरमा नभई बुझेर लगानी गरी आफनो लगानी सुरक्षित गर्न टेवा पुर्याउन सहयोग मिल्ने निरौलाले जानकारी दिए ।
