ब्लाष्ट । सुन्दरहरैंचा उद्योग वाणिज्य संघको १० औँ वाषिर्क साधारणसभा सम्पन्न भएको छ । शनिबार मोरङको सुन्दरहरैंचाको बिराटचोक स्थीत एक होटलमा साधारसभा सम्पन्न भएको हो ।
आगामी दिनमा उद्यमी अभियान, सफ्टवेर निर्माण तथा सचिवालय व्यवस्थापन, व्यापार महोत्सव, सामुहिक विमा, कर शिक्षा, व्यवसायिक सवलिकरण,हाटबजार व्यवस्थापन लगायत काम गर्ने लक्ष्य रहेको संस्थाका अध्यक्ष कृष्ण रिजालले बताए ।
वाणिज्य संघले कोभिडका समयमा अक्सीजन संकलन, स्वाव संकलन पिसिआर टेष्ट गर्ने कार्य, स्वास्थ्य सामग्री हस्तान्तरणको सहजिकरण गरेकोमा अधिकांस बक्ताहरुले प्रसंसा गरेका थिए । कार्यक्रममा सार्वजनिक शौचालय महाअधियान अन्तगर्तको सलकपुर र विराटचोकमा बनेका सार्वजनिक शौचालय सुन्दरहरैंचा उद्योग वाणिज्य संघलाई हस्तान्तरण गरेका थिए ।
कार्य सम्पन्न भएकाले यसको संचालन गर्न समितिले हस्तान्तरण गरेको संयोजक भोलेश्वर दुलालले बताए । साधारसभाको अवसरमा विभिन्न क्षेत्रका व्यक्तिलाई सम्मान गरिएको थियो । सम्मानित हुने व्यवसायी ४४ वर्ष देखि कृषी पेशामा लाग्ने रेवतीकुमार तिम्सीनालाई सम्मान गरिएको थियो ।
तिम्सीनाले वडा नम्बर १ मा मह, च्याउ र मेवा खेति गर्दै आएका छन् । यस्तै लामो समय देखि व्यवसाय गर्दै आएका विजय मिस्ठान्न भन्डारका संचालक हरि काफ्ले, आरति अग्रहरी, धनमाया तामाङ र कुमारी सुवेदीलाई व्यवशायिक क्षेत्रमा पुर्याएको योगदानको उच्च मुल्याङ्कन गर्दै सम्मान गरेको हो ।
कोभिडको बेलामा सहयोग गर्ने व्यक्तिलाई समेत सम्मान गरेको छ । जनताको जीवन रक्षाका लागि उद्योग वाणिज्य संघले संचालन गरेको स्वाग संकलन कार्यमा खटिने प्रविधिक मुनादेवी भट्टराईलाई सम्मान गरेको हो ।
यस्तै स्वास्थ्य क्षेत्रमा योगदान पुर्याउन मृगौलिया स्वास्थ्य चौकि इन्चार्ज माधब रेग्मी, एम्बुलेन्स चालक डिल्लीराम ढकाल, र कोभिडको बेलामा सव व्यवस्थापन गर्ने समुन्द्र विकलाई कार्यक्रमका प्रमुख अतिथि नेपाल उद्योग वाणिज्य महासंघ पूर्व अध्यक्ष चण्डीराज ढकालले प्रमाणपत्रद्धारा सम्मान गरेका थिए । साथै आगलागी पीडीत तिर्थ श्रेष्ठलाई २५ हजार र सुकुना बहुमुखी क्याम्पस संचालक समति अध्यक्ष केशव अधिकारीलाई २० हजारको छात्रवृतिवापतको रकम हस्तान्तरण गरिएको छ ।
कार्यक्रममा उद्योग वाणिज्य महासंघ पूर्व उपाध्यक्ष किसोर प्रधान, उमेशलाल श्रेष्ठ लगायत बक्ताले देशमा सिर्जीत आर्थिक तरलता, महंगीले व्यवशायीक क्षेत्रमा परेको असरका बारेमा प्रश्न उठाएका थिए ।
