दर्शकको संख्याबढेपछि आयोजकले टे«ड एक्स्पो एक दिन बढाउने निर्णाय गरेको छ । ६ दिनमा १ लाख ८० हजारले अवलोकन गरेको आयोजकको भनाई छ ।
विराटनगर । विराटनगरमा जारी ‘ट्रेड एक्स्पो’ मा १५ करोडको कारोबार भएको आयोजकले जनाएको छ । मेला सुरू भएको ६ दिनमा १ लाख ८० हजारले अवलोक गर्दा १५ करोडको कारोबार भएको मोरङ व्यापार संघले बुधबार पत्रकार सम्मेलन गरि जानकारी गराएको हो ।
अपेक्षा भन्दा बढी दर्शक आएपछि उनीहरूको इच्छा अनुसार एक्स्पो एक दिन थप गरिने निर्णाय गरिएको संयोजक विकास बेगवानीले जानकारी दिए । चैत १८ देखि २६ गतेसम्म एक्स्पो संचालन गर्ने भनिएको थियो । तर, दर्शकको माग अनुसार मेला बढाउनुपर्ने भनिएपछि उनीहरूको चाहना अनुसार एक दिन चैत २७ गतेसम्म संचालन गर्ने निर्णाय गरेको संयोजक बेगवानीले जानकारी दिए ।
‘मेलामा एक्स्पोमा दर्शक आउनेको संख्या बढेको छ । हामीले सोचेभन्दा पनि धेरै दर्शकहरू आएका छन् । मेलालाई दर्शककले मन पराइदिनुभएको छ,’ मोरङ व्यापार संघका अध्यक्ष नविन रिजालले भने । उनका अनुसार एक्स्पोमा सबैभन्दा बढी इलोक्टे«निक र अटोमावाइलको सामानहरू बढी बिक्री भएको जानकारी दिए ।
एक्स्पोमा ८० वटा एसीसहितका, ६० वटा कुलरसहितका र १०६ वटा सामान्य स्टल रहेको छ । ‘सबै स्टलहरूमा दर्शकको रोजाइमा परेको छ,’ संयोजक बेगवानीले भने । एसीसहितका स्टलका लागि ६० हजार, कुलर स्टलका लागि ४० र सामान्य स्टलका लागि ३० हजार शुल्क तोकिएको छ ।
त्यस्तै अटोमोबाइलका १० स्टल रहेको छ । अटो स्टलका लागि ७० हजार शुल्क निर्धारण गरिएको छ । फुडकोर्टका लागि १० स्टल छन् । यसका लागि ६० हजार तोकिएको छ । संयोजक बेगवानीका अनुसार एक्स्पोमा स्वदेशी तथा विदेशी विद्यमान उत्पादन र सेवाको प्रदर्शन तथा व्यापार गर्ने लक्ष्य राखिएको छ । त्यस्तै एक्स्पोमा उत्पादक र उपभोक्तालाई एकै ठाउँमा ल्याएर यसलाई व्यापार र लगानीका सम्भावना खोज्ने थलोका रूपमा स्थापित गरिएको उनले बताए ।
एक्स्पोले उत्पादक तथा वितरकलाई आफ्ना उत्पादन र सेवाको प्रदर्शनी एवम् देश र विदेशमा आफ्नो बजार विस्तार र विविधिकरण गर्न महत्वपूर्ण भूमिका खेल्ने विश्वास गरिएको बेगवानीले बताए ।
एक्स्पोमा दर्शकलाई मनोरञ्जन प्रदान गर्न विभिन्न दैनिकजसो राष्ट्रिय कलाकालहरूबाट मनोञ्जन प्रदान गरिएको छ । शुक्रबार गायक डम्मबर नेपाली र शुक्रबार चिर्चित गायिका इन्दिरा जोशीको सांगीतिक प्रस्तुती रहेको छ । त्यस्तै जिप लाइन, रिभर्स बन्जी र जिप साइक्लिङ लगायतका साहसिक खेलकुदको व्यवस्था पनि रहेको छ ।
एक्स्पोमा आयोजकले लण्डन ब्रिज, बुर्ज खलिफा, बुर्ज अल अरब, सेन्ट वेसिल जस्ता अन्तराष्ट्रिय संरचनाले आकर्षण थपेको छ । सेल्फी जोनमा फोटो खिच्नको भिड लाग्ने गरेको छ । एक्स्पोमा नेपाल सँगसँगै भारत, बङगलादेश र पाकिस्तानका उत्पादनहरु समेत बिक्री वितरणमा राखिएको छ ।
एक्स्पोको आयोजनाका लागि ३ करोड खर्च र एक्स्पोमा ४५ करोडको कारोबार हुने अनुमान गरिएको छ । एक्स्पोको प्रवेश शुल्क १ सय रुपैयाँ तोकिएको छ ।
