पथरीशनिश्चरे । मोरङको बेलबारी ९ डाँगीहाट बजारमा माछापुछ्रे बैंकको शाखा रहित बैंकिङ सेवा सुरु भएको छ ।
ग्राहकदाता सेवा केन्द्रका सञ्चालक भूमादेवी लुइटेलको अध्यक्षताको कार्यक्रममा माछापुछ्रे बैंकको १ नम्बर प्रदेश कार्यालयका निर्देशक दिपेन्द्रप्रसाद वाग्लेले सेवा केन्द्रको उद्घाटन् गरेका छन् । कार्यक्रममा बोल्दै प्रमख अतिथि वाग्लेले बैंकले वडाको सामाजिक सुरक्षा भत्ता, कृषि कर्जा, व्यवसायिक कर्जा लगायतका बैंकिङ सेवा पुर्याउने जनाउँदै चाँडै नै एक्सटेन्सन काउण्टर खोली काम अघि बढाउन् बताए ।
कार्यक्रममा, ९ नम्बर वडाध्यक्ष नगेन्द्र खड्का सहितले शुभकामना मन्तव्य व्यक्त गरेका थिए । उद्घाटनकै दिन शुन्य ब्यालेन्सका ४८ वटा खाता खोल्ने काम भएको छ ।
